إشاعه كثره الريفريش بشكل مستمر تساعد علي تسريع الجهاز

غير مصنف

كتبه : علاء نصار

اخر تحديث 9 نوفمبر,2016

527410_539911506034663_2132972817_n

الإشاعة :- اعمل ريفرش بشكل مستمر على الديسكتوب لتسريع/تنشيط الجهاز

الحالة :- خاطئة !

التوضيح :-

ملهاش اي علاقة على الإطلاق
او زي ما بيقولوا Placebo Effect
وانا شخصيا لما بشوف حد بيعمل كدة بيجيلي شلل
مين قال انها بتسرع او بتعمل اي كلام من ده ؟
زي ما متصفح الانترنت فيه امر ريفريش عشان تعيد تحميل الصفحة
برضو متصفح الملفات بتاع الويندوز نفس الفكرة فيه خاصية ريفريش بنفس الفكرة وهي اعادة قراية الملفات في الفولدر او المكان اللي عملت فيه ريفرش بنفس فكرة متصفح الانترنت وهي اعادة تحميل محتويات الصفحة مرة تانية
انت لو شفت واحد فتح صفحة وكل شوية يعملها ريفرش بدون سبب ..حتقول عليه ايه ؟
نفس الكلمة المفروض تقولها للي بيقعد يعمل ريفرش ع الديسكتوب بدون سبب

طيب حيجي هنا سؤال:
– ايه فايدة خاصية الريفرش ديه اصلا طالما اللي بيستخدمها مش عاجبك
ببساطة في اصدارات الويندوز القديمة كان لما تنقل ملف او تغير اي حاجة فيه التغيرات ديه مبتظهرش مباشرة
لازم تعمل ريفرش عشان متصفح الملفات يعيد قرايتها من جديد ويظهر التغيرات اللي حصلت
بس ده كان زمان تقريبا في ويندوز 95 واللي قبله
لكن مع تطور الويندوز متصفح الملفات تلقائيا بيعمل ريفرش وبيظهر اي تحديثات او تعديلات ظهرت على الملفات اللي ظاهرة قدامك في النافذة اللي عملت فيها الريفرش

– طيب ليه مايكروسوفت سايبها طالما ان متصفح الملفات بيعمل ريفرش لوحده ؟!
ببساطة نفس فكرة متصفح الانترنت
احينا بتحمل الصفحة وبعدين تلاقيها متحملتش بشكل كامل او فيه حاجة ناقصة او ..الخ لاي سبب ما
فبتروح عامل ريفرش وغالبا الصفحة بتظهر بشكل سليم

نفس الموضوع في متصفح الملفات احيانا ولسبب ما مشكلة في الويندوز مثلا او الخاصية تم تعطيلها من الرجستري او لتاكد 100% ان كل الملفات تمام وان الملفات اللي ظاهرة صحيحة ..وفي الحالة ديه يكفتى بريفرش واحد مش 500 ريفرش في الثانية
+ من وجهة نظر تانية ..انت كدة بتحمل البروسيسور والهارد اوامر اضافية غير اللي هما اصلا قاعدين ينفذوها
يعني (لو) حيكون للامر ده تاثير ع السرعة فالمفروض يكون سلبي مش ايجابي

By : Mohmed Shalby

أحدث الأخبار

المزيد

تقارير مايكروسوفت تنوي دعم تطبيقات اندرويد على ويندوز في 2021 1

26 نوفمبر,2020

تقارير مايكروسوفت تنوي دعم تطبيقات اندرويد على ويندوز في 2021

Google Task Mate يطلب منك تنفيذ بعض المهام من اجل المال 2

24 نوفمبر,2020

Google Task Mate يطلب منك تنفيذ بعض المهام من اجل المال

أحدث الهواتف

المزيد

مواصفات Honor 10X Lite ومميزات وعيوب الهاتف مع التعليق على السعر 3

25 نوفمبر,2020

مواصفات Honor 10X Lite ومميزات وعيوب الهاتف مع التعليق على السعر

مواصفات Oppo A73 مميزات وعيوب اوبو اي 73 والتعليق على السعر 4

31 أكتوبر,2020

مواصفات Oppo A73 مميزات وعيوب اوبو اي 73 والتعليق على السعر

التعليقات

  1. الكلام كله سليم وزى الفل
    بس انا عندى ملحوظة بس
    اى حد لو عمل F5
    في برنامج
    Task Manager
    بيسرع الجهاز شوية
    وبيخلص الأوامر اللى بروسيسور بيعملها اسرع
    ودليلى على كده
    ان مثلاً
    CPU
    بتكون في البرنامج 20%
    بتوصل برفرش او F5
    لـ 80% 90%
    يعنى بتخلى البروسيسور يشتغل على اخره عشان يخلص اللى بيعمل
    والصراحة بلاحظ ان جهاز بينفذ الأوامر اسرع طول ما ان بستخدم الـ F5
    فى Task Manager
    ده رأيى واحب اسمع رأي حضرتك

اترك تعليقاً

لن يتم نشر عنوان بريدك الإلكتروني.