اقسام الموقع

5 نصائح لحمايه جهازك من الاختراق


1046805688_1366376514

فى البداية احب ان اقول لاى شخص يستخدم اى نظام سواء ويندوز او ماك او لينكس ويعتقد انه غير معرض للاختراق احب اصحح له المعلومة واقول له انت غلط فكل هذه الانظمة معرضة للاختراق فالاهم من نوع النظام اللى بتسخدمه هو ازاى انت بتستخدم النظام وافتكر انك بمجرد دخول على الانترنت فانت بتكون عرضة للاختراق فى اى وقت , علشان كده ان شاء الله هنتكلم فى نقط مهمة علشان تتفادى الاختراق

1- بالنسبة لحساباتك الشخصية يجب عليك ان يكون الباسوورد او كلمة المرور لا تقل عن عشرة نقاط واجعهلها مكونة من ارقام وحروف ورموز ومسافات واهم شئ المسافات لانها بتخلى الهاكرز فى حيرة عندما يجد كلمة السر و برضه متخليش جميع حساباتك الشخصية بكلمة مرور واحدة علشان منخسرش جميع حسابتنا ونتجنب اختراقها

2- تحديث النظام فتحديث النظام اول باول من اهم اسباب الحماية لان عملية التحديث بتعمل على سد الثغرات فى الجهاز وتحسين الاداء ومتنتظرش التحديث او تاجل التحديث وخليك فاكر اللى انا قولته فى الاول بمجرد دخولك على الانترنت انت بقيت عرضه للاختراق وطبعا انت مش هتكون عارف ازاى تم اختراق جهازك

3- برامج الحماية برنامج الحماية ينقسم لنوعين فالبعض مجرد مكافح للفيروسات والبعض مكافح لهجمات الأنترنت والمواقع المشبوهة فاحرص على امتلاك برنامج حماية وتحديثه بشكل دائم

4- عند تحميل البرامج ابحث عن الموقع الرسمى للبرنامج لان بعض الاشخاص بيدمجوا فيروسات مع البرنامج وبيرفعوها على مواقع وسيرافرات مختلفة وقبل كده كنت شرحت برنامج اسمه sandboxie
وهو بيتكلم عن ازاى نكشف عن البرامج الملغمة ونفرق بينها وبين البرامج العادية الغير ملغمة وخلى بالك من الكراك لانها فى اغلب الاوقات هى اللى بعمل على تخريب الجهاز وانت كمستخدم عادى مش بتبقى عارف ايه اللى موجود فى الكراك

5- وبرضه منضغتطش على اى روابط احنا مش متاكدين منها واحنا شوفنا فى الايام الاخيرة لينكات الهاكر والاسبام اللى كانت موجودة على الفيس وشرحنا برضه ازاى نكشف عن اللينكات دى عن طريق موقع اسمه فيرس توتال virustotal.com

واتمنى ان اكون وفيت فى الشرح وقدرت اقول حاجة تفيد الكل