اقسام الموقع

إيه أكثر smartphone مناسب لك؟


اختيارsmartphone  بيبقى عملية صعبة ومحيرة عشان الاختيارات المتاحة كتيرة جدًا وكلها بتتميز بحاجات مختلفة عن بعضها! عشان كده وإنت بتختار smartphone  لازم تبقى عارف إنت هتستخدمه في إيه بالضبط وتبقى محدد الإمكانيات اللي إنت محتاجها بدل ما تشتري Smartphone مش هتستخدم الأدوات اللي بيتيحها لك.

smartphone-lineup_1020_large_verge_medium_landscape

الشاشة  ولوحة الزراير

في حالة اختيار الشاشة، معظم الناس في الغالب بتتجه للـ touchscreen وتكتشف إنها ماكانتش محتاجاها، أو مش عارفة تتعامل معاها. فلو إنت ناوي تتفرج علي فيديوهات أو محتاج رؤية واضحة أثناء تصفح الإنترنت، فالـ touchscreen اختيار سليم، بس لازم تكون عارف إن مش هيكون في physical keyboard، عشان لوحة الزرارير بتكون جزء من الـ Touch Screen وبالتالي بيكون التعامل أصعب شوية. ومن أمثلة الـ smartphones  اللي فيها touchscreen  ممتازة: الـ iPhone 4S والـ Samgsung Galaxy SIII. على صعيد آخر، لو إنت بتستريح أكثر مع لوحة زراير فعلية لدواعي الـ messaging، فننصحك بواحد من الأجهزة اللي بتوفر ده، زي الـ BlackBerry Curve 9300. ده كله مع العلم إن في أجهزة بتجمع بين الإثنين زي الـ BlackBerry Bold 9900.

بس لازم تبقى عارف إن كلما زاد حجم الشاشة زاد حجم ووزن الـ smartphone، عشان كده أجهزة زي الـ iPhone 4S والـBlackBerry Bold 9700 ليها شعبية كبيرة عشان حجمها مش بيزيد عن 4 بوصة، في حين إن في أجهزة زي الـHTC One X  بتوصل لـ 4.7 بوصة والـ Samsung Galaxy Note  ذو الـ 5.7 بوصة!

نظام التشغيل أو الـ Operating System

أكتر نُظم تشغيل دارجة هي الـ iOS  والـ Blackberry OS والـ Android والـ Windows Mobile. لو عايز جهاز بيجيد تصفح الإنترنت والتعامل مع الـ emails والـ messaging، فبننصحك بالـ BlackBerry، بس عيبه إن مافيهوش تطبيقات كتيرة. فلو إنت عايز مكتبة ضخمة من الـ apps فبننصحك بالـ iOS، بس عيب النظام ده إنه موجود فقط في الـ iPhones وعشان كده ممكن تتجه لنظام الـ Android اللي بيوفر كمية تطبيقات مش بطالة ومتواجد في أجهزة كثيرة ومتنوعة. أما لو انت ناوي تشتغل على الـ smartphone بتاعك بصورة مكثفة فببنصحك بالـ Windows Mobile لأنه نسخة مصغرة من نظام Windows، وبالتالي بيسمحلك إنك تشتغل على spreadsheets وdocuments.

الذاكرة

اختيارك لحجم الذاكرة هيعتمد على الهدف من الجهاز: لو محتاجه للترفيه والـ multimedia (ألعاب، أغاني، أفلام) فجيب واحد بين GB32 وGB64، ولو محتاجه للـ messaging وتصفح الإنترنت بس، فمش هتحتاج أكتر من 8GB. أما لو محتاجه للشغل فبننصح بجهاز يتراوح بين GB16 وGB32.

قوة البطارية

من أهم الحاجات اللي لازم تبُص عليها عند اختيارك للـ smartphone هي قدرة البطارية. قوة البروسيسور وإمكانيات الجهاز مش هيكون ليهم لازمة لو الـ smartphone  بيفصل منك في وسط اليوم، وبالتالي مهم جدًا إنك تختار جهاز فيه بطارية قوية زي الـ Motorola Droid Razr Maxx مثلاً. وفي أجهزة برضه بيبقى نظام التشغيل بتاعها اقتصادي جدًا في استعماله للطاقة، زي الـ Windows Phones اللي بتقعد اليوم كله، على عكس بعض أجهزة الـ Androidاللي بتفصل بعد حوالي 5 ساعات بس. على كل حال لما تيجي تختار، ما تاخدش جهاز بيوفر أقل من 4 ساعات   talking timeأو وقت تحدث.

الكاميرا

أقل جودة كاميرا بننصح بيها هي 3MP ودي متواجدة في معظم الأجهزة (بس دي غير مناسبة لهواة الفوتوغرافيا)، إلا لو انت محتاج يكون مُجهز بكاميرا ممتازة وده طبعًا متوفر في أجهز كتيرة منها الـ iPhone 4S والـ Samsung Galaxy SIII. وبرضه مهم إنك تشوف إذا كان في flash وautofocus  وlow light sensor  ولا لأ.

خد عندك المفيد..

لو عايز جهاز للـ gaming: الـ iPhone بيتصدر بلا منازع عشان بيوفر مكتبة ضخمة من الألعاب والتطبيقات يليه أجهزة Windows اللي بتدعم ألعاب Xbox. ده بالإضافة لظهوز أجهزة Android زي الـ  Samsung Galaxy SIII والـ  HTC One X واللي أصبحت ممتازة على صعيد الألعاب.

لو عايز جهاز للـ messaging والـ emails: الـ BlackBerry هو الاختيار الأول، خاصة مع وجود لوحة الزراير الهايلة بتاعته.

لو عايز جهاز للـ multimedia: الـ iPhone أحسن اختيار بلا شك: فيه iPod، بالإضافة إلى إن جودة مشاهدة الفيديوهات عليه ممتازة، يليه أجهزة Android  بمختلف أنواعها.

لو عايز جهاز للشغل: الـ Windows Phonesهي أفضل اختيار.

لو بتحب التصوير: أجهزة الـ Android بتوفر كاميرات ذات جودة عالية وفيها إمكانيات متنوعة.

منقول :)

شارك برئيك اذا كنت تريد اضافه معلومه 

من خلال التعليقات اسفل شكرا 

الوسوم